Permanent Representative of Myanmar touches upon the Government's efforts to fight COVID-19, preparation for the upcoming elections, and the peace process during the Interactive dialogue with Special Rapporteur
(22-9-2020, Geneva)
The Interactive Dialogue with the Special Rapporteur on the situation of human rights in Myanmar was held in the evening of 22 September 2020, during the ongoing 45th session of the Human Rights Council in Geneva, Switzerland.
During the dialogue, Permanent Representative of Myanmar U Kyaw Moe Tun made a statement as a country concerned.
In his statement, he focused on recent developments in Myanmar, particularly the Government's efforts to fight COVID-19, preparation for the upcoming elections, and the peace process.
He highlighted that in response to the COVID-19 pandemic which exacerbated the existing challenges causing negative impact on the socio-economy of the country, the Government has taken timely actions for preventive measures with a “whole-of-nation” approach and principle of “no one left behind”. Furthermore, he stressed that “four Ps”, Political leadership, Preventive measures, People's participation and Partnership, are the most important components of Myanmar's response to contain the virus and to lessen socio-economic implications.
Moreover, he apprised the Council of the implementation of COVID-19 Economic Relief Plan (CERP) to stimulate the economy and employment as well as the Government's efforts to bring back its stranded citizens abroad.
Talking about the situation of COVID-19 in the country, he said that it is at the alarming level due to the surge of new cases in recent days. In this regard, he informed the Council that strict “stay at home” measure has now been applied in Yangon Region where the new cases have soared. In addition, he updated the Council about the recent report of the State Counsellor to the public on the Government's efforts to fight the pandemic.
Regarding the preparations for the 2020 general elections, he informed that the general elections will be held on 8 November, in line with the COVID-19 health guidelines. He added that the Union Election Commission (UEC) has set five criteria for the elections – to be free, fair, transparent, credible and reflective of the desire of voters. He also reaffirmed the Government's commitment to ensure equal participation of all without discrimination according to the election laws and informed the meeting of the Government's effort to tackle hate speech and fake news. Moreover, local and international election observers have been invited to participate in observing the General Elections, he said.
Touching on the Myanmar's peace process, he stressed that the Government has emphasized peace as one of its priorities and made all out efforts for achieving the sustainable peace in the country. He further informed that during the 4th Session of the Union Peace Conference, held last month, significant milestone has been achieved with the signing of the Part III of the Union Accord.
While welcoming all suggestions to help Myanmar's efforts for overcoming the challenges, he stressed that only with a thorough understanding of the history and culture and the background and complexity of the issues, the suggestions will be more relevant and helpful for Myanmar and reminded that any suggestion made and any point raised should not be in any way to fan the flames but should be part of the solution.
He concluded by reiterating that the present Government is committed to continue its efforts to create a democratic state and resolute to overcome the ongoing challenges with the collective strength of the people of Myanmar and Myanmar welcomes constructive cooperation, helping hands and understanding from the international community for achieving the goal of building a Democratic Federal Union.
* * * * *
အထူးအစီရင်ခံစာတင်သွင်းသူနှင့် အပြန်အလှန်ဆွေးနွေးပွဲ၌ မြန်မာအမြဲတမ်းကိုယ်စားလှယ်က ကိုဗစ်-၁၉ တိုက်ဖျက်ရေး အစိုးရ၏ ကြိုးပမ်းမှုများ၊ ရွေးကောက်ပွဲဆိုင်ရာ ပြင်ဆင်မှုများနှင့် ငြိမ်းချမ်းရေး လုပ်ငန်းစဉ်တို့ကို အဓိကထား ပြောကြားခဲ့
(၂၂-၉-၂၀၂၀ ရက်၊ ဂျီနီဗာ)
ဆွစ်ဇာလန်နိုင်ငံ၊ ဂျီနီဗာမြို့၌ ကျင်းပလျက်ရှိသည့် (၄၅) ကြိမ်မြောက် ကုလသမဂ္ဂ လူ့အခွင့်အရေးကောင်စီ အစည်းအဝေးကာလအတွင်း မြန်မာနိုင်ငံ လူ့အခွင့်အရေး အခြေအနေဆိုင်ရာ အထူးအစီရင်ခံစာတင်သွင်းသူနှင့် အပြန်အလှန် ဆွေးနွေးမှုတစ်ရပ်ကို ၂၂-၉-၂၀၂၀ ရက် မွန်းလွဲပိုင်းတွင် ပြုလုပ်ခဲ့သည်။
အဆိုပါဆွေးနွေးပွဲတွင် ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် ဦးကျော်မိုးထွန်းက မိန့်ခွန်းတစ်ရပ် ပါဝင်ပြောကြားခဲ့သည်။
အမြဲတမ်းကိုယ်စားလှယ်က ၎င်း၏ မိန့်ခွန်းတွင် မြန်မာနိုင်ငံ၏ မကြာသေးမီက ဖြစ်ပေါ် တိုးတက်မှုများဖြစ်သည့် ကိုဗစ်-၁၉ တိုက်ဖျက်ရေး အစိုးရ၏ ကြိုးပမ်းအားထုတ်မှုများ၊ လာမည့်ရွေးကောက်ပွဲအတွက် ပြင်ဆင်မှုများနှင့် ငြိမ်းချမ်းရေးလုပ်ငန်းစဉ်တို့ကို အဓိကထား ပြောကြားခဲ့သည်။
နိုင်ငံ၏ လူမှုစီးပွားအပေါ် အနုတ်လက္ခဏာဆောင်သည့် သက်ရောက်မှုများ ဖြစ်စေပြီး၊ လက်ရှိရင်ဆိုင်နေရသည့်စိန်ခေါ်မှုများကို ပိုမိုကြီးထွားစေသည့် ကိုဗစ်-၁၉ ကပ်ရောဂါကို တုံ့ပြန်ရာတွင် မြန်မာအစိုးရအနေဖြင့် အစကနဦးကတည်းကပင် တစ်နိုင်ငံလုံး အတိုင်းအတာဖြင့် မည်သူတစ်ဦးတစ်ယောက်မျှ ကျန်ရစ်မှု မရှိစေရဟူသော မူအတိုင်း ကာကွယ်မှုများကို အချိန်နှင့် တစ်ပြေးညီ အရေးယူဆောင်ရွက်လျက်ရှိကြောင်း၊ ဗိုင်းရပ်စ်ကို ထိန်းချုပ်နိုင်ရေးနှင့် လူမှုစီးပွားအပေါ် သက်ရောက်မှုများကို သက်သာစေရေးအတွက် အစိုးရ၏ တုံ့ပြန်ဆောင်ရွက်မှုများတွင် နိုင်ငံရေး ဦးဆောင်ဦးရွက်ပြုမှု၊ ကြိုတင်ကာကွယ်မှု၊ ပြည်သူများ ပူးပေါင်းပါဝင်မှုနှင့် မိတ်ဖက် ဆောင်ရွက်မှုတို့သည် အရေးကြီးသည့် အစိတ်အပိုင်းများဖြစ်ကြောင်း အလေးထား ပြောကြားခဲ့သည်။
ထို့အပြင် စီးပွားရေးနှင့် အလုပ်အကိုင်များ ဆက်လက်ရှင်သန်စေရေးအတွက် ကိုဗစ်-၁၉ စီးပွားရေးထိခိုက်မှုသက်သာရေးစီမံချက် အကောင်အထည်ဖော် ဆောင်ရွက်နေမှုများနှင့် ပြည်ပတွင် သောင်တင်နေသည့် မြန်မာနိုင်ငံသားများအား အမိနိုင်ငံသို့ ပြန်လာနိုင်ရေး အစိုးရ၏ ဆောင်ရွက်နေမှုများကို အသိပေးပြောကြားခဲ့သည်။
နိုင်ငံအတွင်း ကိုဗစ်-၁၉ အခြေအနေနှင့်စပ်လျဉ်း၍ မကြာသေးမီရက်များက ကူးစက်မှု အသစ်များ မြင့်တက်လာမှုကြောင့် စိုးရိမ်ဖွယ်အဆင့်သို့ ရောက်ရှိနေကြောင်း၊ ယခုအခါ ကူးစက်မှုအသစ်များ မြင့်တက်နေသည့် ရန်ကုန်တိုင်းဒေသကြီးအတွက် “နေအိမ်တွင် နေထိုင်ရေး” အစီအစဉ်ကို ချမှတ်ကာ ကြပ်ကြပ်မတ်မတ်ဆောင်ရွက်လျက်ရှိကြောင်း ပြောကြားခဲ့သည်။
ထို့အပြင် ကပ်ရောဂါကာကွယ်ထိန်းချုပ်ကုသရေးအတွက် အစိုးရ၏ ဆောင်ရွက်နေမှုများ နှင့်စပ်လျဉ်း၍ ယမန်နေ့က နိုင်ငံတော်၏ အတိုင်ပင်ခံပုဂ္ဂိုလ်မှ ပြည်သူများထံသို့ အစီရင်ခံ တင်ပြခဲ့မှုကိုလည်း အသိပေးပြောကြားခဲ့သည်။
၂၀၂၀ ပြည့်နှစ် အထွေထွေရွေးကောက်ပွဲအတွက် ပြင်ဆင်မှုများနှင့် စပ်လျဉ်း၍ အမြဲတမ်း ကိုယ်စားလှယ်က အထွေထွေရွေးကောက်ပွဲကို နိုဝင်ဘာလ ၈ ရက်တွင် ကိုဗစ်-၁၉ ဆိုင်ရာ ကျန်းမာရေး ညွှန်ကြားချက်များနှင့်အညီ ကျင်းပသွားမည်ဖြစ်ကြောင်း၊ ပြည်ထောင်စု ရွေးကောက်ပွဲကော်မရှင်က ရွေးကောက်ပွဲနှင့်ပတ်သက်၍ “လွတ်လပ်ရေး၊ တရားမျှတရေး၊ ပွင့်လင်းမြင်သာမှုရှိစေရေး၊ အများယုံကြည်လက်ခံနိုင်ရေးနှင့် မဲဆန္ဒရှင် ပြည်သူများ၏ ဆန္ဒနှင့် မဲရလဒ် တစ်ထပ်တည်းဖြစ်စေရေး” စသည့် စံ (၅) ချက် ချမှတ်ထားကြောင်း၊ ရွေးကောက်ပွဲဆိုင်ရာ ဥပဒေများနှင့်အညီ ခွဲခြားဆက်ဆံမှု မရှိဘဲ အားလုံးတန်းတူညီမျှ ပါဝင်မှု ရှိစေရေး ကတိကဝတ်ပြုမှုကို ထပ်လောင်းအတည်ပြုပြောကြားကြောင်း၊ အမုန်းစကားနှင့် သတင်းတု သတင်းအမှားများနှင့် စပ်လျဉ်း၍လည်း ကိုင်တွယ်ဖြေရှင်း ဆောင်ရွက်နေကြောင်းနှင့် ပြည်တွင်းနှင့် နိုင်ငံတကာမှ ရွေးကောက်ပွဲလေ့လာသူများကို အထွေထွေရွေးကောက်ပွဲ၌ ပါဝင်လေ့လာနိုင်ရန် ဖိတ်ခေါ်ထားကြောင်းလည်း ပြောကြား ခဲ့သည်။
မြန်မာနိုင်ငံ၏ ငြိမ်းချမ်းရေးလုပ်ငန်းစဉ်နှင့်စပ်လျဉ်း၍ အမြဲတမ်းကိုယ်စားလှယ်က အစိုးရအနေဖြင့် ငြိမ်းချမ်းရေးကို ဦးစားပေးကိစ္စတစ်ခုအဖြစ် ထားရှိပြီး၊ အဓွန့်ရှည် တည်တံ့သည့် ငြိမ်းချမ်းရေးရရှိရေးအတွက် အစွမ်းကုန်ကြိုးပမ်းဆောင်ရွက်လျက် ရှိကြောင်းနှင့် ပြီးခဲ့သည့်လက ကျင်းပခဲ့သည့် ပြည်ထောင်စုငြိမ်းချမ်းရေးညီလာခံ -(၂၁) ရာစုပင်လုံ စတုတ္ထအကြိမ်အစည်းအဝေး၌ ပြည်ထောင်စုသဘောတူစာချုပ် အစိတ်အပိုင်း (၃) ကို လက်မှတ်ရေးထိုးနိုင်ခဲ့ခြင်းဖြင့် သမိုင်းမှတ်တမ်းတင်နိုင်ခဲ့ကြောင်း ပြောကြားခဲ့သည်။
မြန်မာအစိုးရ၏ စိန်ခေါ်မှုများကို ရင်ဆိုင်ကျော်လွှားနိုင်ရေးအတွက် အားထုတ်ကြိုးပမ်း မှုများနှင့်ပတ်သက်၍ ကူညီအကြံပြုချက်များအားလုံးကို ကြိုဆိုကြောင်း ပြောကြားရင်း၊ အမြဲတမ်း ကိုယ်စားလှယ်က နိုင်ငံ၏ သမိုင်းကြောင်းနှင့် ယဉ်ကျေးမှု၊ ပြဿနာ၏ နောက်ခံအကြောင်းအရာနှင့် ရှုပ်ထွေးနက်နဲမှုတို့ကို ပြည့်စုံစွာ နားလည်မှသာလျှင် အကြံပြုချက်များသည် ပိုမိုဆီလျော်မှု ရှိနိုင်ပြီး အကူအညီဖြစ်မည်ဖြစ်ကြောင်း အလေးအနက် ပြောကြားခဲ့ပြီး၊ မည်သည့်အကြံပြုချက်နှင့် ထောက်ပြမှုမျိုးမဆို ပြဿနာကို ပိုမိုကြီးထွားစေရန် လှုံ့ဆော်မှုမျိုး မဖြစ်သင့်ဘဲ ဖြေရှင်းမှုအတွက် အထောက်အကူ တစ်ရပ်သာ ဖြစ်သင့်ကြောင်း ပြောကြားခဲ့သည်။
နိဂုံးချုပ်၌ လက်ရှိအစိုးရအနေဖြင့် ဒီမိုကရေစီ နိုင်ငံတော်တစ်ရပ် ပေါ်ထွန်းလာစေရေး အတွက် ဆက်လက် ကြိုးပမ်းဆောင်ရွက်သွားမည်ဟု ကတိကဝတ်ပြုကြောင်း၊ လက်ရှိ ကြုံတွေ့နေရသည့် စိန်ခေါ်မှုများကို မြန်မာပြည်သူများ၏ စုပေါင်းအင်အားဖြင့် ရင်ဆိုင်ကျော်လွှားရန် သန္နိဋ္ဌာန် ချထားကြောင်းနှင့် ဒီမိုကရေစီ ဖယ်ဒရယ်ပြည်ထောင်စု တည်ဆောက်နိုင်ရေးဟူသည့် ရည်မှန်းချက်ပန်းတိုင် အောင်မြင်ရေးအတွက် နိုင်ငံတကာ အသိုက်အဝန်း၏ အပြုသဘောဆောင်သည့် ပူးပေါင်းဆောင်ရွက်မှု၊ ကူညီမှုနှင့် နားလည်မှုတို့ကို ကြိုဆိုကြောင်း ထပ်လောင်းပြောကြားခဲ့သည်။
