(၂၁-၃-၂၀၂၃ ရက်၊ နေပြည်တော်)
နိုင်ငံခြားရေးဝန်ကြီးဌာန၊ အမြဲတမ်းအတွင်းဝန် ဦးချမ်းအေး သည် တရုတ်ပြည်သူ့သမ္မတနိုင်ငံ၊ ယူနန်ပြည်နယ်၊ လင်ချမ်းမြို့၊ မြို့တော်ဝန် မစ္စတာ သုကျင့်ဟွေ ဦးဆောင်သည့် ကိုယ်စားလှယ် အဖွဲ့အား ၂၁-၃-၂၀၂၃ ရက်၊ (၀၉၀၀) နာရီအချိန်တွင် နေပြည်တော်ရှိ နိုင်ငံခြားရေးဝန်ကြီး ဌာန၌ လက်ခံတွေ့ဆုံခဲ့သည်။
ထိုသို့တွေ့ဆုံစဉ် ယူနန်ပြည်နယ်မှ ချင်းရွှေဟော်နယ်စပ်မြို့ကို ဖြတ်သန်းဖော်ဆောင်မည့် ယူနန်ပြည်နယ်၏ အခြေခံအဆောက်အဦဖွံ့ဖြိုးတိုးတက်ရေးစီမံကိန်း၊ နယ်စပ်ကုန်သွယ်မှု မြှင့်တင်ရေးကိစ္စရပ်များ၊ နယ်စပ်ဂိတ်များဖွင့်လှစ်ရေးဆိုင်ရာကိစ္စရပ်များနှင့် နယ်စပ် ကုန်သွယ်မှု လွယ်ကူချောမွေ့စေရေးအတွက် နယ်စပ်ဒေသများ စီမံခန့်ခွဲမှုမြှင့်တင်ရေးဆိုင်ရာကိစ္စရပ်များ အပေါ်တွင် အမြင်ချင်းဖလှယ်ခဲ့ကြကြောင်း သိရှိရပါသည်။
